ពេលចាប់ផ្ដើម 1886–1905
ប្រវត្តិរបស់ Bosch ចាប់ផ្ដើមក្នុងជំហានដំបូងជាច្រើន។ ជំហានទៅកាន់ភាពឯករាជ្យ ទៅកាន់ទីផ្សាររថយន្ត ទៅកាន់ទីផ្សារក្រៅអាល្លឺម៉ង់ និងទៅកាន់រោងចក្រផលិតធំៗ។
“ស្ថានភាពច្របូកច្របល់” — ពេលចាប់ផ្ដើម
បន្ទាប់ពីចំណាយពេលរាប់ឆ្នាំធ្វើជាកូនជាង និងមេជាង លោក Robert Bosch ចាប់ផ្ដើមមានក្ដីប្រាថ្នាចង់ក្លាយជាម្ចាស់ខ្លួនឯង។ ក្នុងឆ្នាំ 1886 លោកបានបើក “រោងជាងសម្រាប់ការងារយន្តសាស្ត្រ និងវិស្វកម្មអគ្គិសនី” នៅស្ទូតហ្គាត។ ឆ្នាំដំបូងៗមានភាពប្រែប្រួលមិនទៀង ហើយគឺត្រឹមពាក់កណ្ដាលទស្សវត្សរ៍ឆ្នាំ 1890 ទៅទើបអ្វីៗចាប់ផ្ដើមមានសន្ទុះរីកចម្រើនរហ័សឥតឈប់ឈរ។
ផលិតផល និងសេវាកម្មដំបូង
លោក Bosch បានបំពេញការងារទាក់ទងនឹងវិស្វកម្មយន្តសាស្ត្រ និងអគ្គិសនីទាំងអស់ដែលមករកលោក ដូចជាដំឡើងប្រព័ន្ធទូរសព្ទ និងកណ្ដឹងអគ្គិសនីជាដើម។ នៅពេលត្រូវបានស្នើឱ្យបង្កើតឧបករណ៍បញ្ឆេះម៉ាញ៉េតូសម្រាប់ម៉ាស៊ីនដាក់ជាប់នឹងការរចនាដែលមានស្រាប់មួយ លោកបានកែលម្អវា ហើយនាំឱ្យបើកផ្លូវសម្រាប់ផលិតកម្មគ្រឿងបញ្ឆេះម៉ាញ៉េតូ។
ការបំផុសដែលជាចំណុចចាប់ផ្ដើមនៃអ្វីទាំងអស់ — គ្រឿងបញ្ឆេះម៉ាញ៉េតូ
ចាប់ពីឆ្នាំ 1897 លោក Bosch បានចាប់ផ្ដើមដំឡើងឧបករណ៍បញ្ឆេះម៉ាញ៉េតូដែលរចនាល្អជាងមុនដាក់រថយន្ត ហើយក្លាយជាអ្នកផ្គត់ផ្គង់គ្រឿងបញ្ឆេះតែម្នាក់គត់ដែលអាចទុកចិត្តបាន។ ក្នុងឆ្នាំ 1902 មេវិស្វករនៅ Bosch លោក Gottlob Honold បានរកឃើញដំណោះស្រាយកាន់តែប្រសើរជាងមុនទៀត គឺប្រព័ន្ធបញ្ឆេះម៉ាញ៉េតូប្រើកម្លាំងវ៉ុលត៍ខ្ពស់ដែលមានក្បាលប៊ូស៊ី ផលិតផលនេះបានបើកផ្លូវសម្រាប់ Bosch ក្នុងការក្លាយខ្លួនជាអ្នកផ្គត់ផ្គង់រថយន្តនាំមុខគេមួយលើពិភពលោក។
Gottlob Honold
អ្នកច្នៃបង្កើតថ្មីចម្បងដែលញាណដឹងត្រឹមត្រូវ
“នៅពេលលោក Honold បានបញ្ចប់ស្នាដៃថ្មី ហើយដាក់ឱ្យផលិត ពិភព Bosch បានចាប់ផ្ដើមល្បីរន្ទឺលើផលិតផលសម្រេច”។
នេះជារបៀបដែលលោក Robert Bosch សម្ដែងការកោតសរសើរចំពោះប្រធានវិស្វកម្មយូរឆ្នាំរបស់លោក ដែលបានចាប់ផ្ដើមធ្វើការឱ្យលោកជាកូនជាងប៉ុណ្ណោះ។ ក្រៅពីប្រព័ន្ធបញ្ឆេះម៉ាញ៉េតូប្រើកម្លាំងវ៉ុលត៍ខ្ពស់ លោកក៏ជាអ្នកបង្កើតប្រព័ន្ធភ្លើងបំភ្លឺ ម៉ាស៊ីនបញ្ឆេះ និងស៊ីផ្លេដ៏ឆ្នើមផងដែរក្នុងចំណោមកម្រងផលិតផលរបស់ Bosch — រហូតដល់ពេលលោកទទួលមរណភាពក្នុងឆ្នាំ 1923 ដោយមិនបានរំពឹងទុក។
រូបថត៖ Gottlob Honold (ឆ្នាំ 1901)
ម្ចាស់ផ្ទះ — រោងចក្រដំបូង
លោក Bosch បានប្ដូរទីតាំងជាច្រើនលើក មុនពេលលោកសម្រេចចិត្តកសាងរោងចក្រ។ ដំបូង លោកគិតជួលមួយជាន់ ឬច្រើនជាន់ទៀត តែរឿងនេះមិនបានកើតឡើងទេ។ ផ្ទុយទៅវិញ រោងចក្ររបស់ Bosch ដែលកសាងនៅឆ្នាំ 1901បន្តពង្រីកដល់សំណង់ជុំវិញ។
ជំហានឆ្ពោះទៅពិភពលោក — ការិយាល័យលក់ដំបូង
“…ជំហរនឹងនរនៅចក្រភពអង់គ្លេស…”—នេះជាសេចក្ដីប្រាថ្នាយូរយាររបស់លោកRobertBosch។ក្នុងឆ្នាំ1898លោកបានកសាងក្រុមហ៊ុនBoschដំបូងនៅក្រៅប្រទេសអាល្លឺម៉ង់នៅទីក្រុងឡុងដ៍ជាមួយនឹងបុរសជនជាតិអង់គ្លេសFredericSimms។នេះជាដំបូងទៅកាន់ទីផ្សារសកលលោក។ការិយាល័យលក់បន្តបន្ទាប់បានលេចឡើងយ៉ាងរហ័សនៅក្នុងប្រទេសអឺរ៉ុបផ្សេងទៀត។
ម៉ាញ៉េតូពីប៉ារីស — ផលិតកម្មក្រៅប្រទេសដំបូង
បន្ទាប់ពីចក្រភពអង់គ្លេសប្រទេសបារាំងគឺជាទីផ្សារលក់ធំជាងគេនៅអឺរ៉ុបសម្រាប់រថយន្ត។Boschបានចាប់ផ្ដើមដំណើរការក្រុមហ៊ុនបុត្រសម្ព័ន្ធនៅទីនោះក្នុងឆ្នាំ1899។មុខជំនួញនៅសាខាប៉ារីសរីកចម្រើនល្អណាស់ហើយចាប់ពីឆ្នាំ1905ទៅ វាអាចឆ្លើយតបនឹងតម្រូវការប្រព័ន្ធបញ្ឆេះម៉ាញ៉េតូដែលផលិតក្នុងរោងចក្រខ្លួនឯងក្នុងបរិវេណមើលឃើញប៉មអេហ្វែល។
ការប្រណាំងរថយន្ត — ការផ្សាយពាណិជ្ជកម្មដំបូង
អំឡុងពេលឆ្លងសតវត្សរ៍ ការប្រណាំងរថយន្តថ្នាក់អន្តរជាតិខ្នាតធំដំបូងគេបានប្រព្រឹត្តឡើង ដែលជាឱកាសសម្រាប់អ្នកផលិតរថយន្ត និងអ្នកផ្គត់ផ្គង់នានាបង្ហាញស្នាដៃរបស់ខ្លួន។ Belgian Camille Jenatzy បានបើកឡាន Mercedes ប្រណាំងឈ្នះពានរង្វាន់ Gordon Bennett Cup នៅប្រទេសអៀរឡង់ក្នុងឆ្នាំ 1903 មួយផ្នែកគឺដោយសារប្រព័ន្ធបញ្ឆេះដ៏គួឱ្យទុកចិត្តរបស់ Bosch ដែលអាចទ្រាំទ្រនឹងស្ថានភាពលំបាកបំផុត។
